Phir milne ki dua karna ! ! !

Jaise jaise mujh se mera
ik ik saathi bhichad raha hai;
Tut raha hai seene mein kuch,
tukda tukda bikhar raha hai !


Har phool jo tehni se,
tut raha hai,
bikhar raha hai uski yaadon ki khushbu se,
dil ka gulshan mehak raha hain !

Bichhad rahe haiN ek duje se,
jane phir mile na mile
apni manzil badal rahi hai,
apna rasta badal raha hai !

PalkoN mein aansoo chhupaye,
muskaate ho mere Dost
par us dukh ko kaun chhupaye,
jo chehre par ubhar raha hai !

Baras jo saath bitaaye,
unka ik ik lamha ab
aankhon mein tasveerein bankar,
chand lamhoN mein gujar raha hai !

Chahne se sab hota hai
phir milne ki duaa karna
aakhir main tera humsafar raha
hu aur tu mera humsafar raha hai !